Seksisme is elke menier van oetdrukken (daod, woord, beeld, gebaor) die ontstiet deur het idee dat sommige personen, meesttieds vrouwlu, deur heur sekse minderweerdig bint.
Seksisme is kwaolijk. Het zörgt veur gevulens van minderweerdigheid, zölfcensuur, je gaot er dingen deur oet de weg, het veraandert je gedrag en tast je gezondheid an. Seksisme lig an de basis van genderungeliekheid. Het rak vrouwlu en wichter unevenredig hard.
Seksisme komp in alle underdielen van het leven veur, bijveurbeeld:
63% van de vrouwelijke journalisten hef te maken had met verbaol geweld.
Vrouwlu besteedt umdebij tweemaol zoveul tied an unbetaold hoesholdelijk wark as manlu.
80% van de vrouwlu vertöl dat ze wal ies te maken had hebt met het fenomeen van unneudige extra oetleg (mansplaining) en dat ze underbreuken bint in heur verhaol deur kerels (manterrupting).
75% van de neisbronnen en de underwarpen in de media in Europa giet over mannen.
In het VK har 66% van de undervraogde wichter tussen 16 en 18 jaor zölf van doen met seksistische taol op schoel, of waren der getuge van.
59% van de vrouwlu in Amsterdam rapporteerde over een vörm van intimidatie op straot.
In Fraankriek har 50% van de undervraogde jonge vrouwen recent te maken met onrecht of vernedering umdat ze vrouw bint.
Underzuuk in Servië lat zien dat 76% van de vrouwlu in het bedriefsleven niet net zo serieus nummen wordt as manlu.
Geweld begunt mangs met een lollegie
Individuele seksistische handelingen liekt lichtkaans onschuldig, maor zörgt veur een klimaat van intimidatie, angst en onveiligheid. Dit zörgt erveur dat geweld accepteerd wordt, veural tegen vrouwlu en wichter.
Daorum hef de Raod van Europa besleuten um op te treden deur een anbeveling over het veurkommen en tegengaon van seksisme an te nimmen.
Seksisme rak veural vrouwlu. Het kan ok manlu en jongens raken, as ze zuch niet an de stereotype genderrollen holdt.
De schadelijke gevolgen van seksisme kunt veur paartie vrouwlu en manlu slimmer wezen deur heur etnie, leeftied, (fysieke) beparking, sociale komof, religie, genderidentiteit, seksuele veurkeur of aandere factoren.
Bepaolde groepen vrouwlu, zoas jonge vrouwlu, politica, journalisten of bekende vrouwlu bint een bezunder doelwit van seksisme.
van de verkeuzen vrouwlu in het parlement bint doelwit west van seksuele anvallen op sociale media.
