Seksisme is eder uting (daod, woord, beeld, geste) die kump vaanoet ‘t idee tot sommege persoene, meistens vrouwe, door hun sekse minderweerdeg zien.
Seksisme is sjäöjelek.
‘t Leit tot geveules vaan minderweerdegheid, tot zelfcensuur, acceptatie vaan oontwiekingsstrategieë, gedraagsveranderinge en ‘t oondermijnt de gezoondheid.
Seksisme ligk aon de basis vaan genderoongeliekheid.
‘t Tröf vrouwe en meidskes disproportioneel.
Seksisme deit ziech veur op alle froonte vaan ‘t leve, beveurbeeld:
63% vaan de vrouweleke journaliste heet te make gehad mèt verbaal geweld
Vrouwe besteie bekans twie kier zoeväöl tied es manne aon oonbetaold hoeshajdelek werk (OESO-len)
80% vaan de vrouwe gaof aon geconfronteerd te zien mèt ‘t fenomeen vaan euverboojegen oetlègk (‘mansplaining’) en vaan oonderbroke weure door manne (‘manterrupting’)
75% vaan de nuitsbronne en vaan de oonderwerpe in de media in Europa betröf manne
In ‘t VK had 66% vaan de oondervraogde 16-18-jaorege meidskes zelf te make mèt seksistische taol op sjaol of ze waore getuige devaan
59% vaan de vrouwe in Amsterdam melt ‘ne vörm vaan intimidatie op straot
In Fraankriek had 50% vaan de oondervraogde jong vrouwe recent te make mèt oonrech of vernedering umtot ze vrouw zien
Oonderzeuk in Servië wijs oet tot 76% vaan de vrouwe in ‘t bedriefsleve neet eve serieus genome weurt es manne.
Geweld begint soms mèt e grepke
Individueel seksistische handelinge liekene mesjiens oonsjöldeg, meh ze creëre e klimaot vaan intimidatie, angs en oonveilegheid. Dit leit tot acceptatie vaan geweld, veural tege vrouwe en meidskes.
Daorum heet de Raod vaan Europa beslote um op te trejje door ‘n aonbeveling euver ‘t veurkoume en bestrije vaan seksisme te aonvaarde.
Seksisme raak veural vrouwe. ‘t Kin ouch manne en jonges treffe es ze ziech neet aon de stereotype genderrolle hawwe.
De sjäöjeleke gevolge vaan seksisme kinne veur sommege vrouwe en manne erger zien vaanwege etnische aofkoms, leeftied, beperking, sociaol aofkoms, relizjie, genderidentiteit, seksueel veurkäör of ander factore.
Bepaolde gróppe vrouwe wie jong vrouwe, politica, journaliste of bekinde vrouwe zien e bezunder mikpunt vaan seksisme
vaan de verkoze vrouwe in ‘t parlemint zien ‘t mikpunt gewees vaan seksistische aonvalle in de social media.
