shqip Armenian Azerbaijani български català hrvatski NederlandsNedersassisch English français Frysk Georgian Deutsch Ελληνικά magyarÍslenska italiano Limburgs norskPapiamento português românăRomaniRumantsch čeština русский Српски Slovenčina español svenska Türkçe українська
Sexismo:
Detect’e.
Dun’e un nomber.
Stop e.
#StopSexismo #MeToo
 

Sexismo ta cualke expresion (acto, palabra, imagen, gesto) basa riba e idea cu algun persona, mayoria di biaha hende muhe, ta inferior pa motibo di nan sexo.

 

Sexismo ta dañino. E ta crea sintimento di inutilidad, autocensura, adoptacion di strategia di evasion, cambio den comportacion y deterioracion di salud. Sexismo ta na raiz di desigualdad di genero. E ta afecta hende muhe y mucha muhe desproporcionalmente.

 

Sexismo ta presente den tur area di nos bida, por ehempel:

 

63% di hende muhe periodista a haya nan mes confronta cu abuso verbal

 

Hende muhe ta dedica casi dobel mas tanto tempo cu hende homber na trabou di cas sin pago (den e paisnan di OCDE)

 

80% di hende muhe a afirma cu na trabou nan a yega di haya nan mes confronta cu e fenomeno di splicacion innecesario di parti di hende homber (‘mansplaining’) y di interupcion door di hende homber (‘manterrupting’)

 

Hende homber ta representa 75% di tur fuente y topico di noticia na Europa

 

Na Reino Uni 66% di mucha muhe encuesta cu tin entre 16 y 18 aña a experencia nan mes of tabata testigo di uzo di lenguahe sexista na scol

 

59% di hende muhe na Amsterdam a raporta un of otro forma di intimidacion riba caya

 

Na Francia 50% di hende muhe jong encuesta a experencia recientemente inhusticia of humiliacion pa motibo cu nan ta hende muhe

 

Investigacion na Serbia ta indica cu no ta tuma 76% di hende muhe den mundo di negoshi mes serio cu hende homber

 

Tin biaha violencia ta cuminsa cu un chansa

Acto di sexismo na nivel individual por parce inofensivo, pero nan ta crea un clima di intimidacion, miedo y insiguridad. Tur esaki ta conduci na aceptacion di violencia, specialmente contra hende muhe y mucha muhe.

 

Ta p’esey Conseho di Europa a dicidi di actua, adoptando un Recomendacion pa preveni y combati sexismo.

 
 
 

Mayoria di biaha sexismo ta afecta hende muhe. E por afecta hende homber y mucha homber tambe, ora cu nan no tene nan mes na e rolnan di genero stereotipico.

 

E impacto dañino di sexismo por ta pio pa algun hende muhe y hende homber, debi na nan etnicidad, edad, discapacidad, origen social, religion, identidad di genero, orientacion sexual of otro factor.

 

Algun grupo di hende muhe, por ehempel hende muhe jong, politico, periodista of figura publico, ta particularmente vulnerabel pa sexismo

 
%

di hende muhe eligi den Parlamento a yega di ta obheto di atake sexista den e rednan social.

 

Detect’e. Dun’e un nomber. Stop e.

 

Lenga y comunicacion

Ehempel di sexismo den lenga y comunicacion

E uzo generico di e forma masculino door di un papiado (por ehempel “mi primonan” pa referi na prima y primo). E portada di un publicacion cu imagen di hende homber so. Denominacion di un hende muhe pa medio di e termino masculino pa su profesion. Un campaña di comunicacion cu imagen di hende sunu innecesario. Un anuncio publicitario cu un hende homber mustrando un hende muhe con ta uza un wasmashin.

Pakico lo mester ataca e problema?

Lenga y comunicacion ta importante, pasobra nan ta haci hende visibel of invisibel y ta reconoce of menosprecia nan contribucion na sociedad. Nos lenga ta forma nos pensamento y nos manera di pensa ta influencia nos accionnan. Lenguahe ciego pa genero of discriminatorio ta reforsa actitud y comportacion sexista.

Con pa prevenie?

Uza tanto e forma femenino como e forma masculino ora cu nos ta dirigi nos mes na un publico mixto. Revisa comunicacion publico pa ta sigur cu e ta uza lenguahe y imagen sensibel pa genero. Produci manual di comunicacion sensibel pa genero pa publico diferente. Promove investigacion riba e tereno aki.

Medio di comunicacion, internet y medio social

Ehempel di sexismo den e medionan:

Un imagen sexualisa di hende muhe den e medionan. Un show di television cu homber so. Noticia den e medionan tocante violencia contra hende muhe, den cualnan ta acusa e victima. Periodista, mayoria di biaha hende muhe, cu ta haya reaccion den e medionan social basa riba nan apariencia en bes di riba e topiconan cu nan ta trata. Aplicacion di internet cu ta dirigi algun vacatura na hende homber so, pasobra e algoritmonan ta construi na un manera discriminatorio.

Pakico lo mester ataca e problema?

Ta bombardia mucha y otro persona cu mensahe sexista den e medionan y esakinan tin influencia riba nan. E mensahenan ey ta limita nan den nan propio escogencianan den bida. Nan ta duna e impresion cu ta hende homber ta esnan cu tin sabiduria y poder y cu hende muhe ta obheto y cu ta bon pa duna comentario riba nan apariencia na nan antoho. Sexismo online ta pusha hende muhe for di e espacionan digital. Sexismo online por causa daño realmente severo. Insulta of haci bofon di un hende online ta crea un archivo digital permanente cu nan por sigui plama y ta dificil pa kita.

Con pa prevenie?

Implementa legislacion tocante igualdad di genero den e medionan di comunicacion. Duna training na e profesionalnan den e medionan y den comunicacion tocante igualdad di genero. Sea sigur cu tanto hende muhe como hende homber ta keda representa den e medionan na un manera balansa y den rolnan diverso y no stereotipico. Promove anuncio publicitario cu ta hunga cu stereotipo di genero y cu ta crea consenshi tocante stereotipo di genero en bes di reforsa nan. Duna training den alfabetisacion digital, specialmente na hende jong y mucha. Defini expresion di odio sexista (online) den termino legal y penalis’e. Establece oficina di servicio specialisa pa duna conseho tocante con pa deal cu sexismo online.

Luga di trabou

Ehempel di sexismo na e luga di trabou:

E practica no oficial di exclui hende muhe cu tin yiu di oportunidad pa crea un carera profesional. Den reunion ignora hende muhe, haci doño di nan contribucionnan of obliga nan keda keto. Faborece un hende homber riba un hende muhe pa un funcion ehecutivo, presumiendo cu e no tin autoridad. Duna comentario superfluo tocante apariencia of bistimento (locual ta mina profesionalismo di un hende muhe). Duna comentario di menosprecio contra hende homber cu ta tuma cuido riba nan. “Mansplaining”.

Pakico lo mester ataca e problema?

Sexismo na e luga di trabou ta mina eficiencia di e victimanan y nan sintimento cu nan tambe ta pertenece ey. Silencia un hende pa medio di sexismo ta nifica cu ta ignora of ta haci poco uzo di su ideanan of talentonan. Comentario denigrante ta crea un ambiente di intimidacion/opresion pa esnan cu ta confronta nan y nan por degenera den violencia/intimidacion. E victimanan por desaroya nivelnan di ansiedad mas halto y nan por ta mas inclina pa explota continuamente y pa depresion. Mas den termino general sexismo ta conduci na salario mas abou y menos oportunidad pa esnan cu ta confront’e.

Con pa prevenie?

Stipula y implementa codigo di conducta, den cualnan ta defini comportacion sexista y organisa curso pa siña prevenie. Establece mecanismo di keho, medida disciplinario y servicio di apoyo. E managernan mester manifesta y mustra nan compromiso pa actua contra sexismo.

Sector publico

Ehempel di sexismo den sector publico:

Comentario sexualisa of comentario tocante apariencia of tocante e situacion familiar di politico, mayoria di biaha hende muhe, inclusive den parlamento. Comentario tocante orientacion sexual of apariencia di usuario door di empleado di servicio publico. Plachi sexista/ponemento di poster di muhe sunu den luga di trabou publico (p.e. den sala di personal di hospital). Comentario tocante apariencia di hende muhe den espacio publico, inclusive den transporte publico.

Pakico lo mester ataca e problema?

Sector publico tin e obligacion di duna bon ehempel. Sexismo den parlamento ta masha comun, pero e ta limita e oportunidadnan y libertad di hende muhe den parlamento, sea cu nan ta eligi eyden of ta empleado eynan. Sexismo ta mina e derecho di acceso igual na servicio publico. Sexismo den espacio publico ta limita libertad di movemento di hende muhe. Sexismo por conduci na violencia y ta crea un ambiente opresivo cu ta impedi principalmente hende muhe di participa completamente den bida publico.

Con pa prevenie?

Dunando curso na e empleadonan. Stipula codigo di conducta, establece mecanismo di keho, medida disciplinario y servicio di apoyo. Implementa campaña di conscientisacion, manera pakete di informacion of poster den espacio publico den cualnan ta splica ta kico sexismo ta. Promove participacion balansa di genero den tumamento di decision. Promove investigacion y recoleccion di dato tocante e materia.

Husticia

Ehempel di sexismo den e sistema huridico:

Un hues dunando un victima di violencia sexual di compronde cu ta e mes a ‘busc’e’. Un hurista cu ta duna comentario tocante apariencia di un hende muhe colega di dje. Un agente policial cu no ta tuma na serio un denuncia di violencia contra hende muhe of cu ta bagatelis’e.

Pakico lo mester ataca e problema?

Un comportacion asina por tin como consecuencia cu e victimanan ta legumay nan caso. E ta crea desconfiansa den e sistema huridico. E por conduci na sentencia parcial. E ta humilia hende muhe y por impedi nan di scoge un profesion huridico.

Con pa prevenie?

Implementa maneho cu ta duna hende muhe acceso igual na husticia. Duna curso na profesionalnan den ley y na funcionarionan policial. Kibra formacion di stereotipo huridico pa medio di campaña di conscientisacion. Sea sigur cu e profesionalnan ta basa nan sentencia riba hecho, por ehempel riba comportacion di e perpetrado y contexto di e caso en bes di riba e manera di bisti di e victima.

Enseñansa

Ehempel di sexismo den enseñansa:

Buki di estudio cu imagen stereotipico di hende muhe/hende homber, mucha muhe/mucha homber. Falta di hende muhe como escritor, figura historico of cultural den buki di estudio. Guia di escogencia di carera y di estudio cu ta descurasha escogencia di carera of di estudio cu no ta stereotipico. Docente cu ta duna comentario tocante apariencia di alumno/studiante/colega. Haci remarca sexualisa na mucha muhe. Termento di alumno/studiante cu no ta stereotipico door di condiscipulo/costudiante of docente. Falta di conscientisacion/procedura/reaccion pa ataca tal comportacion sexista.

Pakico lo mester ataca e problema?

Contenido di enseñansa y comportacion di e personal docente tin un influencia fuerte riba percepcion y comportacion. Un clima di sexismo den instituto educacional ta afecta prestacion di alumno/studiante den forma negativo. Sexismo den enseñansa por limita futuro escogencia individual di carera y di estilo di bida.

Con pa prevenie?

Implementa maneho y legislacion tocante igualdad di genero den enseñansa. Revisa e bukinan di estudio pa ta sigur cu sexismo no ta aparece den nan y cu nan ta presenta tanto hende muhe como hende homber den rol cu no ta stereotipico. Sea sigur cu ta presenta hende muhe como cientifico, artista, atleta, lider y politico den buki y programa di estudio. Duna les den historia di hende muhe. Percura pa tin mecanismo di keho disponibel. Duna les tanto den materia di igualdad di genero como den educacion sexual (incluyendo baymento di acuerdo y limite personal). Duna curso na personal docente tocante prehuicio inconsciente.

Cultura y deporte

Examples of sexism in culture and sport:

Hende muhe deportista presenta den e medionan di comunicacion conforme nan rol familiar y no nan habilidadnan y nan cualidadnan. Bagatelisacion di e prestacionnan deportivo di hende muhe. Humiliacion di hende homber cu ta practica deporte ‘femenino’. Hende muhe bisti masha sexy como ‘adorno’ den evento cultural of deportivo. Falta di obra di arte di hende muhe den exposicion. Masha poco rol importante pa hende muhe den pelicula y falta casi completo di rol pa actriz di edad avansa. Financiamento masha scars pa produccion di pelicula den cualnan hende muhe tin un rol directivo. Poco financiacion pa creacion artistico di hende muhe.

Pakico lo mester ataca e problema?

Zowel cultuur als sport creëert attitudes. Als vrouwen en mannen op stereotiepe manieren worden weergegeven, zal dit bijdragen aan genderstereotypering. Indien op deze terreinen voornamelijk mannen te zien zijn beïnvloedt dit de perceptie van vrouwen als potentiële artiesten of atleten en verkleint het gamma aan rolmodellen voor kinderen en jongeren. Genderstereotypen beperken de keuze van vrouwen/mannen, meisjes/jongens om sporten te beoefenen die als niet ‘vrouwelijk’ of niet ‘mannelijk’ worden beschouwd; dit leidt tot zelfcensuur. Op beide terreinen leidt seksisme tot lagere salarissen en minder kansen voor degenen die ermee geconfronteerd . worden

Con pa prevenie?

Implementa medida pa curasha trabou creativo di hende muhe y transversalisacion di genero den maneho di cultura y deporte (beca, exposicion, curso, disposicion di espacio/tayer). Percura pa tin mas y miho cubrimento di deporte y arte di hende muhe den e medionan di comunicacion. Curasha sponsor pa sostene arte y deporte di hende muhe. Introduci codigo di conducta pa preveni comportacion sexista, incluyendo stipulacion di accion disciplinario den federacion di deporte. Curasha figuranan prominente den deporte y cultura pa expresa nan mes contra sexismo y implementa campaña pa denuncia violencia den deporte y lenguahe di odio sexista.

Esfera priva

Ehempel di sexismo den esfera priva:

Hende muhe cu ta haci mas trabou (di cuido y di cas) no paga cu hende homber, por ehempel solamente hende muhe cu ta yuda laba co’i kibra na un fiesta. Chasco sexista entre amigo. Dunamento sistematico di co’i hunga “di mucha muhe” of “di mucha homber” respectivamente na mucha muhe of mucha homber. Mucha homber cu nan ta curasha pa core y tribi risca curpa y mucha muhe cu nan ta educa pa ta obediente y complaciente. Uzo di expresion manera “core manera mucha muhe” of “mucha homber semper lo keda mucha homber”.

Pakico lo mester ataca e problema?

Trabou no paga ta pisa tanto riba participacion di hende muhe den mercado laboral como riba nan independencia economico y riba nan participacion den deporte y actividad di recreacion. Co’i hunga (p. e. un minicushina of un wega di construccion) ta influencia e rolnan di genero, pero tambe futuro escogencia di estudio of carera. Chasco sexista por intimida y obliga hende keda keto y nan ta bagatelisa comportacion sexista.

Con pa prevenie?

Implementa medida di conscientisacion y investigacion di e impacto y e particion di trabou no paga entre hende muhe y hende homber. Implementa medida pa combina bida priva y bida profesional pa tur hende. Promociona co’i hunga neutral pa loke ta genero. Curasha tanto mucha homber como mucha muhe pa participa den trabou di cas. Duna mucha muhe tambe espacio y libertad pa hunga, explora y ta nan mes.

 
Pa haya sa mas, lesa e texto completo di e Recomendacion: